Руслан Бахытұлы Сайлаубаев, 1985 жылдың қыркүйек айының 3 жұлдызында Жамбыл облысы Жуалы ауданы Бауыржан Момышұлы ауылында дүниеге келген. Ұлты – қазақ, білімі - жоғары.
1991 – 2002 жылдар аралығында аталған ауылдағы №19 Д.Қонаев атындағы мектеп-гимназиясында (бұрынғы Н.К.Крупская) оқыған.
2002-2006 жылдары Тараз Мемлекеттік педагогикалық институтының «Тарих және құқық негіздері, экономика» мамандығы бойынша жоғары педагогикалық білім алған.
Мансап
Еңбек жолын 2006 жылдың қыркүйегінен Жуалы ауданы Бауыржан Момышұлы ауылындағы №19 Дінмұхамед Қонаев атындағы мектеп-гимназиясына тарих пәнінің мұғалімі болып бастаған.
Аталған мектеп-гимназияда 2009-2011 жылдары директордың тәрбие жұмысы жөніндегі орынбасары, 2011-2019 жылдары директордың оқу және ғылыми-әдістемелік ісі жөніндегі орынбасары қызметін атқарған.
2019-2022 жылдары Талапты ауылындағы №22 Б.Момышұлы атындағы орта мектебі директорының қызметін, 2022 жылдың 25 қарашасынан бастап бүгінгі күнге дейін Б.Момышұлы ауылындағы Әлихан Бөкейхан атындағы №15 тірек мектеп-лицейдің директоры қызметін атқарып келеді.
Қосымша
2014 - 2019 жылдар аралығында «Нұр Отан» партиясы Жуалы аудандық филиалының «Орталық» бастауыш партия ұйымының төрағасы, аудандық пікірсайыс қозғалысының координаторы қызметтерін қоса атқарған. 2020-2022 жылдары «Аманат» партиясы Жуалы аудандық филиалының «Талапты» бастауыш партия ұйымының төрағасы, 2017-2022 жылдары Жуалы аудандық мәслихат депутаты болып сайланған.