Биография

Биография
Рысбаева Ардақ Әбдірақымбайқызы 1961 жылдың желтоқсан айының 26 жұлдызында, Талас ауданы Бостандық елді мекенінде дүниеге келді. 1967 жылы Аманкелді ауылындағы мектеп табалдырығын аттап, 1977 жылы С.Шәкіров ауылындағы орта мектепті үздік аяқтады. 1978 жылы Қазақтың Еңбек Қызыл Ту орденді, Абай атындағы педагогикалық институтының жаратылыстану факультетінің «Химия – биология» бөліміне оқуға түсті. 1983 жылы КазПи-ді үздік дипломмен аяқтады. Еңбек жолын Қордай ауданындағы, Пушкин атындағы орта мектепте «Биология» пәнінің мұғалімі қызметінен бастады. 1988-1989жж Кеңес орталау мектебінде оқу – ісінің меңгерушісі, Трудовлис орта мектебінде химия пәнінің мұғалімі болып жұмыс істеді. 1989 – 1997жж аралығында Талас ауданы Ы. Алтынсарин атындағы орта мектепте директордың ғылыми – әдістемелік ісі жөніндегі орынбасары, Ақкөл орта мектебінде химия пәнінің мұғалімі қызметінде болды. 1998-2000 жж Тараз қаласы №30 орта мектебінде, Бауыржан Момышұлы атындағы №45 қазақ классикалық гимназиясында химия пәнінің мұғалімі болып жұмыс істеді. 2001-2003 жж №45 гимназияда директордың оқу – тәрбие ісі жөніндегі орынбасарының міндетін атқарды. 2011 жылы М. Мақатаев атындағы №14 орта мектебіне директордың ғылыми – әдістемелік ісі – жөніндегі орынбасары болып жұмыс атқарды. 2012 жылдың 7 наурыз айынан бастап №23 орта мектебіне директор болып тағайындалды.